Fréttir

Í dag er síðasti kennsludagur vetrarannar. Í næstu viku eru matsdagar og dagskrá má sjá á myndinni hér fyrir neðan. Lokaeinkunnir vetrarannar birtast svo í Innu miðvikudaginn 18. febrúar og námsmatssýning fer fram daginn eftir. Kennsla á vorönn hefst þriðjudaginn 24. febrúar og nemendur og aðstandendur fá tölvupóst þegar stundatöflur vorannar eru tilbúnar.

Matsdagar verða þriðjudaginn 27. janúar og miðvikudaginn 28. janúar. Dagskrá matsdaga má sjá á meðfylgjandi mynd og nemendur bera sjálfir ábyrgð á því að mæta í sín verkefni / próf á réttum stað og stund. 

Söngvakeppnin Baulan var haldin í Gamla bíó fimmtudaginn 22. janúar. Í keppnina voru skráð 7 atriði, hvert öðru glæsilegra. Dómnefnd skipuðu Jóna Margrét, Guðjón Smári og Gugga í gúmmíbát og foreldraráð skólans gaf vinninga. Sigurvegari að þessu sinni var Maja Margrét með lagið Die on this hill með Sienna Spiro. Maja verður því fulltrúi skólans í Söngvakeppni framhaldsskólanna 2026. Í öðru sæti var Ína Andradóttir og í þriðja sæti Arnór Orri. Til hamingju kæru Maja, Ína og Arnór Orri!

Opnað hefur verið fyrir umsóknir um skólavist í Menntaskólanum við Sund á vorönn 2026. Aðeins verður tekið inn í örfá laus pláss. Skólinn áskilur sér rétt til að velja úr umsóknum miðað við rými á námslínum og hvernig námsferlar umsækjenda passa inn í laus pláss í skólanum. Opið er fyrir umsóknir til og með 3. febrúar 2025. Sótt er um hér í gegnum heimasíðu skólans.

Þann 14. janúar síðastliðinn var haldinn skólafundur í MS þar sem bæði nemendur, starfsfólk, fulltrúar foreldra og skólanefnd tóku þátt í vinnu við að endurskoða og móta gildi skólans. Fundurinn var liður í því að efla skólabrag, stuðla að festu í skólastarfi og tryggja að gildi skólans endurspegli allt skólasamfélagið. LESA MEIRA...

Lið MS sigraði VA í fyrstu umferð Gettu betur í gær. Liðið er því komið áfram í keppninni. Til hamingju með frábæran árangur, Hinrik Hugi, Oliwia Eva og Hekla Kristín!

Í dag brautskráðust 11 nemendur frá Menntaskólanum við Sund en skólinn brautskráir nýstúdenta við lok hverrar annar í þriggja anna kerfi. Athöfnin var að vanda hátíðleg og flutti kór starfsfólks nokkur lög undir stjórn Lilju Daggar Gunnarsdóttur.

Við óskum öllum nemendum, aðstandendum og starfsfólki skólans gleðilegrar hátíðar og farsældar á nýju ári. Skólinn verður lokaður 22. desember til og með 2. janúar. Kennsla hefst aftur á nýju ári mánudaginn 5. desember samkvæmt stundaskrá og skrifstofa skólans opnar kl. 8:00 þann dag.

Fimmtudagurinn 18. desember og föstudagurinn 19. desember eru matsdagar í MS. Hér má sjá dagskrá matsdaganna:

Síðastliðið sumar tóku nokkrir nemendur úr MS þátt í verkefninu STEM fyrir framtíðina. Anh Ngoc, nemandi úr Kvennaskólanum í Reykjavík, stóð fyrir verkefninu auk þess að gera sjálf rannsókn. Markmið verkefnisins er að veita stelpum og stálpum í framhaldsskóla tækifæri til að stunda stafræna vísindarannsókn undir leiðsögn háskólakennara og framhaldsnema við ýmsa háskóla. Verkefnið stóð yfir í sex vikur í júlí og ágúst. Í verkefninu fengu nemendur að kynnast rannsóknaraðferðum og vinnubrögðum sem nýtast þeim í framhaldsnámi í tækni- og vísindagreinum. Leiðbeinendur í verkefninu eru meðal annars úr Stanford University, University of Southern California, University of British Columbia, Háskólanum í Reykjavík og Háskóla Íslands. LESA MEIRA...