Fréttir

Brautskráning vetrarannar fór fram í Menntaskólanum við Sund föstudaginn 6. mars. Að þessu sinni voru sex nemendur brautskráðir frá MS. Athöfnin var stutt og óformleg en engu minna hátíðleg enda alltaf stór stund þegar nemendur ljúka stúdentsprófi. Ayham Abdlkalek Alzoer, nýstúdent af ES-línu, hlaut viðurkenningu fyrir framúrskarandi námsárangur. Innilegar hamingjuóskir, kæru nýstúdentar!

Í vetur er MS að sækja um að verða UNESCO-skóli. Í því felst að samkomulag og samvinna er á milli skólans og UNESCO þar sem skólinn innleiðir verkefni tengdum þremur meginþemum UNESCO-skóla sem eru: Alþjóðleg borgaravitund og menning friðar og ofbeldisleysis. Sjálfbær þróun og sjálfbær lífsstíll. Þvermenningarlegt nám, virðing og skilningur á menningarlegum fjölbreytileika og arfleifð.

Föstudaginn 27. febrúar verður haldinn sameiginlegur starfsþróunardagur framhaldsskólanna. Engin kennsla verður þann dag.

Stundatöflur vorannar eru nú tilbúnar í INNU. Einnig hefur verið opnað fyrir óskir um töflubreytingar í Innu og verður hægt að óska eftir töflubreytingum til kl. 15:00 mánudaginn 23. febrúar. Athugið að taka mið af undanförum en nemendur þurfa að ljúka undanfara til að komast í næsta áfanga í mörgum tilfellum (sjá skipulag áfanga á heimasíðunni). Athugið að fyrstu töflubreytingaóskirnar verða afgreiddar um miðjan dag á sunnudag og því gildir hér fyrstur kemur fyrstur fær. Áfram verður þó hægt að gera töflubreytingaóskir í Innu til kl. 15 á mánudag. Nemendur sem þurfa aðstoð við töflubreytingar þurfa að koma í MS mánudaginn 23. febrúar og þar gildir líka að fyrstur kemur fyrstur fær.

Nú er vetrarönn að ljúka og lokaeinkunnir áfanga hafa verið birtar í Innu. Námsmatssýning vetrarannar fer fram fimmtudaginn 19. febrúar. Á námsmatssýningu gefst nemendum tækifæri til þess að skoða námsmatið og gera athugasemdir. Fyrirkomulag námsmatssýningarinnar verður með tvenns konar móti: annars vegar í skólanum og hins vegar í gegnum TEAMS. Nemendur skulu því kynna sér upplýsingarnar hér mjög vel.

Í dag er síðasti kennsludagur vetrarannar. Í næstu viku eru matsdagar og dagskrá má sjá á myndinni hér fyrir neðan. Lokaeinkunnir vetrarannar birtast svo í Innu miðvikudaginn 18. febrúar og námsmatssýning fer fram daginn eftir. Kennsla á vorönn hefst þriðjudaginn 24. febrúar og nemendur og aðstandendur fá tölvupóst þegar stundatöflur vorannar eru tilbúnar.

Matsdagar verða þriðjudaginn 27. janúar og miðvikudaginn 28. janúar. Dagskrá matsdaga má sjá á meðfylgjandi mynd og nemendur bera sjálfir ábyrgð á því að mæta í sín verkefni / próf á réttum stað og stund. 

Söngvakeppnin Baulan var haldin í Gamla bíó fimmtudaginn 22. janúar. Í keppnina voru skráð 7 atriði, hvert öðru glæsilegra. Dómnefnd skipuðu Jóna Margrét, Guðjón Smári og Gugga í gúmmíbát og foreldraráð skólans gaf vinninga. Sigurvegari að þessu sinni var Maja Margrét með lagið Die on this hill með Sienna Spiro. Maja verður því fulltrúi skólans í Söngvakeppni framhaldsskólanna 2026. Í öðru sæti var Ína Andradóttir og í þriðja sæti Arnór Orri. Til hamingju kæru Maja, Ína og Arnór Orri!

Opnað hefur verið fyrir umsóknir um skólavist í Menntaskólanum við Sund á vorönn 2026. Aðeins verður tekið inn í örfá laus pláss. Skólinn áskilur sér rétt til að velja úr umsóknum miðað við rými á námslínum og hvernig námsferlar umsækjenda passa inn í laus pláss í skólanum. Opið er fyrir umsóknir til og með 3. febrúar 2025. Sótt er um hér í gegnum heimasíðu skólans.

Þann 14. janúar síðastliðinn var haldinn skólafundur í MS þar sem bæði nemendur, starfsfólk, fulltrúar foreldra og skólanefnd tóku þátt í vinnu við að endurskoða og móta gildi skólans. Fundurinn var liður í því að efla skólabrag, stuðla að festu í skólastarfi og tryggja að gildi skólans endurspegli allt skólasamfélagið. LESA MEIRA...