FJÁR2FL05 - Fjármálalæsi

Kynnt eru grunnatriði persónulegra fjármála, tekjuöflunar, skuldasöfnunar, sparnaðar, skynsamlegra fjárfestinga og neytendahegðun. Lögð áhersla á gildi þess að halda utan um eigin fjármál. Mikil áhersla er lögð á gagnrýna hugsun og sjálfstæð vinnubrögð.

Þekkingarviðmið
Nemandi skal hafa öðlast þekkingu og skilning á:

• mikilvægi réttinda og skyldna neytenda
• mikilvægi þess að hafa yfirsýn yfir eigin útgjöld og tekjur
• mikilvægi forgangsröðunar í fjármálum svo sem þarfir og langanir
• mikilvægi markmiðssetningar hvers einstaklings í sparnaði
• vinnu með algeng fjármálahugtök persónulegra fjármála

Leikniviðmið
Nemandi skal hafa öðlast leikni í að:

• reikna út persónuleg fjármál
• byggja upp sparnað á einfaldan og hagkvæman hátt
• standa við þær fjárhagslegu skuldbindingar sem viðkomandi hefur gert
• meta á gagnrýninn hátt umræður um fjármál í þjóðfélaginu
• temja sér góða fjármálahegðun

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• halda utan um eigin fjármál og getu til að átta sig á tengingunni milli réttinda og skyldna
• búa sig undir og þjálfa gagnrýna hugsun til þátttöku í fjármálalífinu
• temja sér góða neytendahegðun og jákvætt viðhorf í persónulegum fjármálum
• geta veitt fjármálalífinu aðhald með gagnrýni umræðu

Gerð er grein fyrir námsmati og sundurliðun þess í námsáætlun.

Undanfari: Enginn