ENSK3HS05 - Fagenska í viðskiptum og hagfræði

Áfangi þrjú. Fimm f-einingar. Unnið með sérhæfðan orðaforða í viðskiptum og hagfræði á ensku. Notaðar greinar af ýmsum sviðum viðskipta og hagfræði. Einnig eru bókmenntir lesnar og vandlega skoðaðar út frá menningarlegu samhengi.

 

Þekkingarviðmið
Nemandi skal hafa öðlast þekkingu og skilning á:

• mismunandi fagtextum í viðskiptum og hagfræði
• álitaefnum í viðskiptum og hagfræði
• tengslum rannsókna í viðskiptum og hagfræði í mótun samfélaga
• enskum orðasamböndum innan viðskipta og hagfræði
• framsetningu ritaðs og talaðs máls, aðallega formlegs máls
• framsetningu hugmynda í skáldskap er tengjast menningu enskumælandi þjóða
• fagorðabókum og íðorðasöfnum
• heimildaskráningu

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• nýta sér fyrirlestra, umræður og rökræður um málefni viðskipta og hagfræði
• skilja inntak rökræðna og erinda um viðskipti og hagfræði
• átta sig á mismunandi notkun tungumálsins í töluðu máli og undirliggjandi viðhorfum og tilgangi þess sem talar
• greina tengsl skáldskapar og menningar
• gagnrýna á rökfastan hátt texta um viðskipti og hagfræði á hlutlægan hátt
• tjá sig á skipulegan hátt um efni tengt viðskiptum og hagfræði
• nýta sér heimildir samkvæmt reglum um notkun heimilda
• nýta sér fagorðabækur og íðorðasöfn við nám sitt á réttan hátt
• skrifa formlega ritgerð með inngangi með efnisyrðingu, meginmáli og lokaorðum