DANS2NS05 - Nám og starf í dönsku samfélagi

Undanfari: DANS2MM05

Stefnt er að því að nemendur verði færir um að taka þátt í dönsku samfélagi, hvort sem er í námi eða starfi. Nemendur fá þjálfun í að nota dönsku sem tjáskiptatæki og til að verða virkir og meðvitaðir málnotendur. Kennsla fer alfarið fram á dönsku. Lokamarkmið áfangans samsvarar þrepi B2 í matsramma European Language Portfolio.

Þekkingarviðmið
Nemandi skal hafa öðlast þekkingu og skilning á:

• góðum, almennum orðaforða sem gerir honum kleift að bjarga sér í dönsku málsamfélagi
• sérhæfðum orðaforða sem nýtist honum í námi og starfi
• dönsku menntakerfi

Leikniviðmið
Nemandi skal hafa öðlast leikni í að:

• skilja eðlilegt danskt talmál
• lesa sér til gagns greinar og umfjallanir um viðfangsefni líðandi stundar
• beita yfirlitslestri við lestur lengri og flóknari texta
• skilja fjölbreytta texta sem krefjast nákvæmnisskilnings
• taka þátt í umræðum og halda skoðunum sínum á lofti
• tala dönsku með nægilega góðum framburði og áherslum til að vel skiljist
• tjá sig nokkuð vel bæði í töluðu og rituðu máli

Þekkingarviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• skilja megininntak talaðs máls í fjölmiðlum t.d. í fréttum, stuttum samtalsþáttum og í öðrum þáttum sem fjalla um efni líðandi stundar
• skilja megininntak texta sem fjalla um nokkuð sérhæft efni sem ætlað er almenningi
• lesa og skilja aðalatriði í fjölbreyttum bókmenntatextum
• nota orðaforða sem unnið hefur verið með, á eigin forsendum í nýju samhengi
• tjá sig áreynslulaust um málefni af ýmsum toga, bæði munnlega og skriflega
• flytja fyrirlestur eða kynningu og víkja frá undirbúnum texta þegar það á við eða þegar áheyrendur óska eftir því
• vinna úr heimildum og nýta sér þær við ritun á eigin texta