MENF2MK05 – Menningarkimar

Samfara því að skoða hvers kyns listsköpun verða kannaðir ýmsir menningarkimar, einkum hér á landi. Í áfanganum er krafist mjög sjálfstæðra vinnubragða og mikil áhersla er lögð á notkun nútímatækni.

Þekkingarviðmið
Nemandi skal hafa öðlast þekkingu og skilning á:

• vel völdum menningarkimum samtímans
• mismunandi birtingarmyndum listsköpunar
• mismunandi straumum og stefnum í listum

Leikniviðmið
Nemandi skal hafa öðlast leikni í að:

• greina ólíka menningarkima og listgreinar
• draga eigin ályktanir af menningarlegum gildum og viðmiðum
• vera þátttakandi í menningarlífi og gera sér grein fyrir því hvað menningarstarf getur verið þroskandi fyrir einstaklinginn og veitt honum mikla lífsfyllingu
• endursegja og túlka upplifun sína á listviðburðum

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• greina afmarkaða þætti í menningarsögu
• geta sett þekkingu sína í menningarsögu og listum í fræðilegt samhengi og miðlað henni áfram í ræðu og riti
• njóta mismunandi listsköpunar og menningarkima