ÍÞRÓ2FR05 - framhaldsáfangi í íþróttum

Áfanginn er bæði verklegur og fræðilegur. Í áfanganum fá nemendur að kynnast grunnþáttum í þjálfun íþrótta, mikilvægi hreyfingar og starfsemi vöðva. Nemendur fá einnig að líta inn í heim ýmissa íþrótta með kynningum á íþróttunum og þátttöku. Farið verið í uppbyggingu og skipulagningu þjálfunar og einnig verður farið yfir markmiðasetningu. Nemendur öðlast þekkingu á sviðum eins og styrktarþjálfun, þolþjálfun, liðleikaþjálfun, næringu íþróttamannsins sem og almennings og forvarnargildi íþrótta. Nánar er kveðið á um fyrirkomulag kennslu í námsáætlun.

Þekkingarviðmið
Nemandi skal hafa öðlast þekkingu og skilning á:

• mismunandi aðferðum hreyfingar
• afleiðingar kyrrsetu
• mikilvægi styrtkar-, þol- og liðleikaþjálfunar
• forvarnargildi íþrótta
• skipulagi þjálfunar
• markmiðasetningu

Leikniviðmið
Nemandi skal hafa öðlast leikni í að:

• iðka fjölbreytta grunnþjálfun í hinum ýmsu íþróttum
• stunda fjölbreytta hreyfingu
• setja sér raunhæf markmið
• nýta sér hinar ýmsu leiðir til að takast á við erfiðar aðstæður
• beita aðferðum til að meta þol, styrk og liðleika
• beita almennri og sérhæfðri upphitun í ýmsum íþróttagreinum

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• framkvæma einföld verkefni sem tengjast hreyfingu og/eða íþróttum
• nýta sér markmiðasetningu sem tengjast hreyfingu og daglegu lífi
• leysa ýmis verkefni sem koma að æfingum og leikjum sem bæta og viðhalda líkamshreysti
• leysa verkefni sem snerta alhliða hreyfingu
• nýta og þekkja sína styrkleika