FÉLA2ES05 - Einstaklingurinn og samfélagið

Einstaklingur og samfélag er grunnáfangi í félagsfræði sem fjallar um uppbyggingu samfélagsins og hvaða áhrif umhverfi hefur á einstaklinginn og líf hans. Nemendur læra að beita félagsfræðilegu sjónarhorni. Helstu kenningar félagsfræðinnar verða kynntar þ.e. samvirkni, samskipta- og átakakenningar, sem og frumkvöðlar félagsfræðinnar. Lögð er áhersla á að nemendur kynnist menningu ólíkra samfélagsgerða og öðlist færni í að taka virkan þátt í samfélagslegum umræðum, myndi sér skoðanir á meðvitaðan og gagnrýninn hátt. Nemendur læra félagsfræðileg hugtök og kynna sér félagslega þætti sem stýra hugsun og athöfnum einstaklinga innan samfélagsins. Meginmarkmið áfangans er að nemendur átti sig á því hvernig samfélagið hefur áhrif á þá og hvernig þeir geta haft áhrif á samfélagið.

 

Nemandi skal hafa öðlast þekkingu og skilning á:

• hugtökum, kenningum og hugmyndum helstu frumkvöðla félagsfræðinnar
• menningu og félagsgerð ólíkra samfélaga
• félagsmótun og helstu félagsmótunaraðilum
• helstu félagslegu kerfum samfélagsins þ.á.m. fjölskyldan og stjórnkerfið
• lýðræði og mannréttindum og mikilvægi þeirra í alþjóðlegu samhengi
• réttindum og skyldum sínum gagnvart samfélaginu

Leikniviðmið
Nemandi skal hafa öðlast leikni í að:

• beita algengustu hugtökum félagsvísinda á skýran og skilmerkilegan hátt
• greina stöðu sína innan samfélagsins og þau áhrif sem einstaklingar geta haft í samfélaginu
• gera grein fyrir einkennum og þróun ólíkra samfélaga
• tileinka sér umburðalyndi gagnvart ólíkum menningaheimum
• vinna sjálfstætt og nýta sér margvíslega tækni í sinni þekkingaleit
• skilja hvernig ákvarðanir eru teknar og vandamál eru leyst í lýðræðislegu þjóðfélagi
• miðla efni til samnemenda á skýran hátt

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• tjá sig á skipulegan og gagnrýninn hátt um samfélagsleg álitamál
• leggja mat á heimildir og upplýsingar í félagsvísindum
• gera grein fyrir samspili þekkingar, umburðarlyndis og fordóma
• beita öguðum vinnubrögðum, tekið ábyrgð á eigin námi og unnið í samvinnu við aðra
• miðla efni til samnemenda á skýran hátt
• taka upplýsta ákvörðun og geta rökrætt lýðræðisvitund og jafnréttisvitund
• ræða siðferðileg álitamál og verða meðvitaður um réttindi sín og skyldur í samfélaginu
• verða virkur og ábyrgur borgari í lýðræðislegu samfélagi

Nánari upplýsingar á námskrá.is