Fréttir

Hér í fréttinni má sjá dagskrána á matsdegi 2. maí 2025.

Fulltrúar úr umhverfisnefnd MS, ásamt FÁ og félagi Sameinuðu þjóðanna, fóru í gær í Höfða og tóku á móti styrk til að vinna að verkefninu Draumur um jökla. Verkefnið er samstarfsverkefni Félags Sameinuðu þjóðanna á Íslandi, FÁ og MS og fjallar um það hvernig loftslagsbreytingar hafa áhrif á jökla og er ætlunin að fara í ferð á jökul og vinna að myndbandi um málefnið sem á að höfða til ungs fólks. Heiða Björg Hilmisdóttir, Borgarstjóri Reykjavíkur, afhenti styrkinn.

Skrifstofa skólans verður lokuð vegna páskafrís frá og með 14. apríl til og með 21. apríl. Kennsla hefst aftur samkvæmt stundaskrá þriðjudaginn 22. apríl.

MS sigraði FS í Morfís í gærkvöld og er liðið þar með komið áfram í úrslit! Til hamingju með frábæran árangur!

Grandaskóli, Menntaskólinn við Sund og Náttúruminjasafn Íslands hafa í vetur unnið að þróunarverkefninu Finndu mig í fjöru – Skapandi náttúrulæsi. Verkefnið, sem styrkt er af Sprotasjóði, hófst haustið 2024 og er hugsað til eins árs en þátttakendur eru nemendur í umhverfisfræði við Menntaskólann við Sund og nemendur í 4. bekk í textíl í Grandaskóla. Markmið verkefnisins er að vinna með félagakennslu til að tengja á milli skólastiga og efla náttúrulæsi með áherslu á lífríki hafsins og fjörunnar. Í hverjum hópi eru nokkrir nemendur úr MS og nokkrir úr Grandaskóla en hver nemandi fær hlutverk s.s. umsjón með handritsgerð, kvikmyndagerð, vísindaupplýsingum og textílverki. LESA MEIRA...

Það var mikið líf og fjör í skólanum síðastliðinn miðvikudaginn þegar fjöldi fólks kíkti við í opið hús. Nemendur stóðu sig með miklum sóma við að kynna skólann sinn og baka vöfflur. Kennarar og starfsfólk stóð vaktina og kynnti námsframboð . Skólinn þakkar nemendum og starfsfólki fyrir liðleika og fagmennsku í tengslum við opna húsið og öllum gestum kærlega fyrir komuna.

Kennsla fellur niður eftir hádegi föstudaginn 28. mars vegna starfsþróunardags starfsfólks. Að þessu sinni mun starfsfólk MS og MH hittast og deila reynslu af því sem vel hefur gengið í námi og kennslu og ræða sameiginlegar áskoranir.

Lokasýning á uppsetningu Thalíu á Aladín er í kvöld kl. 20 í Gamla bíó. Miðasala er á stubb.is. Látið þetta ekki framhjá ykkur fara!

Dagskrá matsdaga 25.-26. mars má sjá á meðfylgjandi mynd. Nemendur bera sjálfir ábyrgð á því að vera í sambandi við sína kennara og mæta á réttan stað á réttum tíma.