TÓNL1TT05 - Tónlist og textagerð

Grunnáfangi í tónlist þar sem nemendur læra hagnýtar aðferðir við að búa til tónlist og semja texta. Farið er í textaskrif fyrir tónlist og nemendur læra að greina form ýmissa tónlistarstíla og nýta sér fjölbreyttar aðferðir við eigin lagasmíðar. Fjallað er um mismunandi nálganir á aðferðum lagasmíða, skoðaðar útsetningar og pródúksjón laga ásamt því að kynnt verða ýmis tónlistarforrit sem notuð eru í dag við tónlistarsköpun. Lært er um skapandi ferli þar sem unnið er með að finna leiðir til þess að koma hugsunum sínum í framkvæmd.

Þekkingarviðmið
Nemandi skal hafa öðlast þekkingu og skilning á:

• Skapandi ferlum við listsköpun
• Ólíkum nálgunum við lagasmíðar
• Mismunandi aðferðum við textagerð
• Útsetningu tónlistar
• Mismunandi tónlistarforritum

Leikniviðmið
Nemandi skal hafa öðlast leikni í að:

• Tileinka sér flæði texta og að nýta nýjar aðferðir við textagerð.
• Semja lag og texta eftir fyrirfram ákveðnu formi
• Pródúsera lag í tónlistarforriti
• Nýta aðferðir skapandi ferlis við tónlistar og textagerð

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• Semja lög í ólíkum stíltegundum
• Semja texta við tónlist
• Finna mismunandi leiðir í skapandi vinnu

Gerð er grein fyrir námsmati og sundurliðun þess í námsáætlun.

Undanfari: Enginn