DANS2MM05 - Lykill að máli og menningu Dana

Forkröfur: DANS1GR05 eða B á grunnskólaprófi

Nemendur fá þjálfun í að nota dönsku sem tjáskiptatæki og til að verða virkir og meðvitaðir málnotendur í dönsku samfélagi. Lokamarkmið áfangans samsvarar þrepi B2 í matsramma European Language Portfolio.

Þekkingarviðmið
Nemandi skal hafa öðlast þekkingu og skilning á:

• góðum, almennum orðaforða sem gerir honum kleift að bjarga sér í dönsku málsamfélagi
• hvernig danska nýtist á norræna menningarsvæðinu almennt
• hvernig danska gagnast honum í daglegu lífi og námi
• danska menningarsvæðinu og norrænni samvinnu
• dönsku nútímasamfélagi og hvernig það er samsett af mismunandi þjóðarbrotum, viðhorfum og gildum

Leikniviðmið
Nemandi skal hafa öðlast leikni í að:

• skilja fyrirhafnarlítið þegar talað er við hann um daglegt líf eða ýmis dægurmál
• lesa sér til gagns greinar og umfjallanir um viðfangsefni líðandi stundar
• beita yfirlitslestri við lestur lengri texta og átta sig á aðalatriðum
• skilja stutta texta sem krefjast nákvæmnisskilnings
• taka þátt í umræðum um kunnugleg málefni
• tala dönsku með nægilega góðum framburði og áherslum til að vel skiljist
• beita meginreglum danskrar málfræði og hafa vald á orðaröð og stafsetningu í rituðu máli

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• skilja megininntak talaðs máls í fjölmiðlum t.d. í fréttum, stuttum samtalsþáttum eða öðrum þáttum sem fjalla um efni líðandi stundar
• skilja megininntak texta sem fjalla um nokkuð sérhæft efni sem ætlað er almenningi
• lesa og skilja aðalatriði í smásögum og lengri bókmenntatextum ætluðum unglingum
• nota grunnorðaforða sem unnið hefur verið með, á eigin forsendum í nýju samhengi
• segja áreynslulaust frá ýmsu sem tengist áhugasviði hans
• flytja stutta fyrirlestra og kynningar
• vinna úr heimildum og nýta sér þær við ritun á eigin texta