RATO1TT05 - Raftónlist

Markmið þessa námskeiðs er að kynnast raftónlist og læra aðferðir við að semja eigin tónlist. Ekki er þörf á að hafa fyrri þekkingu á tónlist eða spila á hljóðfæri. Í lok námskeiðsins eiga nemendur að vera færir um að semja eigin tónsmíðar og þekkja helstu atriði raftónlistar.

Þekkingarviðmið
Nemandi skal hafa öðlast þekkingu og skilning á:

• hvað er midi og audio
• hvað er sýndarhljóðfæri og þekki nokkur þeirra
• effektum innan tónlistarforritsins
• mismunandi hljóðnemum
• grunntækjabúnaði sem þarf til að skapa tónlist í tölvum
• grunnatriðum í raftónlistarsögu
• hvernig lagauppbygging mismunandi tónlistarforma er

Leikniviðmið
Nemandi skal hafa öðlast leikni í að:

• geta sett upp midirásir þar sem notuð eru sýndarhljóðfæri
• geta sett upp hljóðrásir sem notaðar eru til upptöku
• búa til trommutakt
• búa til laglínur, t.d. bassa, píanó, pad o.s.frv.
• taka upp hljóðfæri eða söng með hljóðnemum
• nota mismunandi hljóðeffecta í mismunandi aðstæðum
• nota möppukerfið innan forritsins
• byggja upp lag
• nota automation til þess að stýra sjálfkrafa vissum þáttum innan forritsins

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• geta fjallað um og metið eigin verk og annarra á upplýstan og greinargóðan hátt
• geta búið til heildstætt lag sem krefst tæknilegrar þekkingar í bland við frumlega hugsun.
• ræða um og rökstyðja þær hugmyndir sem hann túlkar í verkum sínum og annarra

Gerð er grein fyrir námsmati og sundurliðun þess í námsáætlun.

Undanfari: Enginn