SAGA3ST05(ms) - Stund milli stríða. 20. öldin 1900-1945

Viðfangsefni áfangans er heimsvaldastefnan og saga fyrri hluta 20. aldar. Í þessum áfanga er þekking og skilningur nemenda á tímabilinu dýpkaður. Mannkynssagan verður í fyrirrúmi með áherslu á hugmyndastefnur, friðarviðleitni, átök og hryllilega atburði sem áttu sér stað á tímabilinu. Dregin verða fram áhrif heimsviðburða á Íslandi. Jafnframt er nemendum veitt markviss þjálfun í sjálfstæðum vinnubrögðum og notkun ólíkra heimilda.

Þekkingarviðmið
Nemandi skal hafa öðlast þekkingu og skilning á:

• helstu atburðum, átökum og stefnum tímabilsins
• þverstæðum millistríðsáranna
• örlögum ýmissa þjóðfélagshópa á tímabilinu

Leikniviðmið
Nemandi skal hafa öðlast leikni í að:

• vinna með ólíkar tegundir sögulegra heimilda
• vísa til heimilda og búa til heimildaskrá
• endursegja sögulegar staðreyndir út frá heimildum

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• meta og skilja sögulegt efni
• draga eigin ályktanir af sögulegum heimildum
• miðla eigin sögulegu þekkingu til annarra

Gerð er grein fyrir námsmati og sundurliðun þess í námsáætlun.

Undanfari: SAGA2MÍ05