Öryggismál

Öryggisnefnd Menntaskólans við Sund

Eftirtaldir aðilar skipa öryggisnefnd MS:

• Hjördís Jóhannsdóttir þjónustufulltrúi og öryggistrúnaðarmaður
• Aðalbjörg Kristbjörnsdóttir kennari og öryggistrúnaðarmaður
• Gunnlaugur Ísleifsson umsjónarmaður og öryggisvörður
• Helga Sigríður Þórsdóttir rektor og öryggisvörður

112 - handbókin

Skólinn gefur út handbókina 112 sem m.a. inniheldur upplýsingar og leiðbeiningar um það hvernig skuli brugðist við komi upp vá í skólanum. Þar er fjallað um hvernig skuli brugðist við ef eldur verður laus í skólanum. Jafnframt eru þar leiðbeiningar um viðbrögð við vá af völdum jarðskjálfta og vá af manna völdum. Í handbókinni 112 eru einnig upplýsingar og leiðbeiningar um fyrstu hjálp.

Skólinn gaf fyrst út handbókina 112 árið 2009. Þessi handbók tók á viðbrögðum við eldsvoða, jarðskjálftavá og annarri vá sem steðjað getur að skólanum . Einnig var þar að finna fræðslu um slökkvitæki og fyrstu hjálp og rýmingaráætlun skólans. Lista yfir öryggisventla hvers árs má sjá hér til hliðar.

Smellið á myndina til að nálgast 112 bókina

Aðgerðaráætlun öryggisnefndar 2023-2024

1. Skyndihjálparnámskeið verður haldið á matsdögum í september 2023
2. Stefnt að því að starfsmenn fari eigi sjaldnar en á þriggja ára fresti á skyndihjálparnámskeið.
3. Halda námskeið í meðferð slökkvitækja fyrir öryggisventla.
4. Halda rýmingaræfingu í byrjun okt og aftur í lok mars.
5. Yfirferð á áhættumati starfa.
6. Setja upp varanleg og sýnileg söfnunarskilti á lóð skólans.
7. Vakta loftgæði í skólabyggingunum. 

Síðast uppfært: 22.08.2023