Menntaskólinn við Sund

Langar þig í MS? Innritun nemenda úr 10. bekk stendur yfir frá 25. apríl til 10. júní. Sótt er um í gegnum innritun.is

Á dögunum fengum við góða gesti í heimsókn frá Herlufsholm Skole og Gods. Skólinn er elsti og virtasti heimavistarskóli Danmerkur, stofnaður árið 1565, og samanstóð hópurinn af nemendum og kennurum sem mættu í dönskutíma hjá okkur í MS.

Fimmtudaginn 30. apríl er matsdagur og þá er ekki kennt samkvæmt stundatöflu en nemendur gætu þurft að mæta í verkefni eða próf. Dagskrá matsdagsins má sjá hér að neðan og nemendur bera ábyrgð á því að vera í samskiptum við kennara og mæta á réttum stað og stund. Föstudaginn 1. maí er skólinn svo lokaður vegna verkalýðsdagsins.

Umhverfisvika fór fram í MS dagana 20.-22. apríl. Vikan var skipulögð af umhverfisnefnd skólans en í henni sitja nemendur í Grænfánaáfanga sem Kristbjörg Árnadóttir umhverfisfræðikennari hefur umsjón með. Í áfanganum kynnast nemendur umhverfisstjórnunarkerfi sem verkefnið Skólar á grænni græn byggir á og beita áhrifum sínum í átt að aukinni sjálfbærni innan skólans og nærsamfélagsins. Áfanginn er kenndur yfir allt skólaárið og þar fara nemendur í gegnum þau skref sem til þarf til að fá Grænfánann. Vinnan nær hámarki sínu í umhverfisviku að vori þar sem nemendur standa fyrir viðburðum tengdum umhverfismálum og með Grænfánaafhendingu.