MS-ingar fá styrki úr Afreks- og hvatningarsjóði stúdenta Háskóla Íslands

Sólný Helga og Enok ásamt Silju Báru Ómarsdóttur rektor HÍ

Tveir nýútskrifaðir nemendur Menntaskólans við Sund fengu í ár styrk úr Afreks- og hvatningarsjóði stúdenta Háskóla Íslands. Styrkir eru veittir nýnemum við Háskóla Íslands sem náð hafa framúrskarandi árangri í námi til stúdentsprófs og jafnframt látið til sín taka á öðrum sviðum, svo sem í félagsstarfi, listum eða íþróttum.

Styrkþegar úr MS eru Enok Hjörvarsson og Sólný Helga Sigurðardóttir. Enok hefur hafið nám í lífeindafræði og Sólný í almennri bókmenntafræði með ritlist sem aukagrein. Við sendum þeim innilegar hamingjuóskir og óskum þeim góðs gengis í náminu.

Nánari upplýsingar um verðlaunin og verðlaunahafana eru á vef Háskóla Íslands.