HAGF2RB05 - Rekstrarhagfræði og bókfærsla

Í áfanganum læra nemendur áframhald í rekstrarhagfræði auk undirstöðuatriða í bókfærslu. Fjallað verður um afkomu og fjármögnun fyrirtækja, gerð rekstraráætlana, samspil tekna og kostnaðar. Í bókhaldshluta áfangans er lögð áhersla á mikilvægi bókhalds í rekstri fyrirtækja og færni nemenda í að annast almennar færslur í dagbók og geti sett fram efnahags- og rekstrarreikning. Áhersla er lögð á að nemandinn tileinki sér gagnrýna hugsun og sjálfstæð vinnubrögð.

Þekkingarviðmið
Nemandi skal hafa öðlast þekkingu og skilning á:

• helstu kostnaðar- og tekjuhugtökum rekstrarhagfræðinnar
• einfaldri áætlanagerð
• grunnhugtökum bókfærslu
• tvíhliða bókhaldi

Leikniviðmið
Nemandi skal hafa öðlast leikni í að:

• þekkja mismunandi flokkun kostnaðar hjá fyrirtækjum
• skilja mikilvægi áætlanagerðar í rekstri fyrirtækja
• túlka tölulegar upplýsingar er varða rekstur fyrirtækja

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• reikna út kostnað, tekjur, afkomu og núllpunkt
• reikna út eigið verð afurðar
• gera einfaldar rekstrar- og kostnaðaráætlanir
• gera upp viðskipti fyrir ákveðið tímabil
• stilla upp prófjöfnuði
• setja fram einfaldan efnahags- og rekstrarreikning
• gera einfaldar lokafærslur fyrir uppgjör

Nánari upplýsingar á námskrá.is