Náms- og starfsráðgjöf
Markmið ráðgjafar í skólanum er að sinna nemendum á faglegan hátt í námi þeirra og einkamálum. Ráðgjöfin er veitt í trúnaði við nemendur. Ráðgjafinn gætir hagsmuna einstaklinga og hópa. Hann leitast við að vinna á fyrirbyggjandi hátt með það fyrir augum að nemendum takist að skapa sér viðunandi vinnuskilyrði heima fyrir og í skóla.
Starfsmenn
Í Menntaskólanum við Sund starfa tveir ráðgjafar, Björk Erlendsdóttir forstöðumaður, hún er félagsráðgjafi og náms og starfsráðgjafi, með henni starfar Hildur Halla Gylfadóttir náms- og starfsráðgjafi. Þær hafa hvor um sig sína skrifstofu í Loftsteini. Fyrir framan skrifstofur er sameiginleg biðstofa þar sem nemendur geta beðið eftir viðtali við ráðgjafa.
Tímapantanir
Náms- og starfsráðgjafar eru við alla daga frá kl. 8:00- 16:00. Nemendur geta pantað tíma bæði símleiðis og á netföngunum: bjorke (hjá) msund.is og hildurhg (hjá) msund.is. Foreldrum og forráðamönnum er ennfremur velkomið að nýta sér ráðgjöfina.
Á tímum kórónuveiru og takmarkana í skólastarfi er leitast við að reyna að leysa sem flest mál sem það þola í gegnum tölvupóst eða símleiðis. Sum mál eru þess eðlis að þau krefjast þess að fólk hittist og þá er mikilvægt að gæta að persónulegum sóttvörnum sem og að bera grímu í viðtali.
Vinnuaðferðir
Unnið er út frá heildarsýn á aðstæður einstaklinga og skiptist ráðgjöfin á milli námsráðgjafar og persónulegrar ráðgjafar. Áhersla er á að nemendur eigi kost á heildstæðri ráðgjöf allan sinn námsferil. Leitast er við að vinna á fyrirbyggjandi hátt með það fyrir augum að nemendum takist að skapa sér viðunandi vinnuskilyrði heima fyrir og í skóla. Boðið er upp á einstaklingsviðtöl sem og hópráðgjöf ef aðstæður eru þannig að líklegt megi teljast að hún gagnist nemendum. Náms- og starfsráðgjafar annast skólakynningar, bæði til grunnskólanemenda sem og til útskriftarhópa Menntaskólans við Sund. Þeir veita einnig foreldrum, kennurum, skólastjórnendum og öðrum sem tengjast nemendum ráðgjöf sé þess óskað.
Fræðsla og námskeið
Náms -og starfsráðgjafar sjá um fræðslu og námskeið á hverri önn, s.s.:
-Sjálfsstyrking
-Að takast á við áskoranir
-Námstækni og námsskipulag
-Námsferillinn minn
-Hópráðgjöf (Watch)
-Ferilskrár