Starfsfólk náms- og starfsráðgjafar

Fyrir framan skrifstofur náms- og starfsráðgjafa er sameiginleg biðstofa þar sem nemendur geta beðið eftir viðtali við ráðgjafa.  Hægt er að bóka viðtöl í gegnum síma eða netföng sem sjá má hér


Björk Erlendsdóttir- félagsráðgjafi. 
Forstöðumaður náms- og starfsráðgjafar.
Skrifstofa í Loftsteini, viðvera alla virka daga frá kl. 8- 16


Hildur Halla Gylfadóttir- náms- og starfsráðgjafi.
Skrifstofa í Loftsteini, viðvera alla virka daga frá kl. 8- 16. 


Fjóla Dögg Blomsterberg- náms- og starfsráðgjafi.
Skrifstofa í Jarðsteini (JAR 2.2.), viðvera mánudaga frá kl. 12- 15 og þriðjudaga frá kl. 11- 15.
Hún heldur auk þess utan um áfangann Krossgötur.

Náms- og starfsráðgjöf

Markmið ráðgjafar í skólanum er að sinna nemendum á faglegan hátt í námi þeirra og einkamálum. Ráðgjöfin er veitt í trúnaði við nemendur. Ráðgjafinn gætir hags­muna ein­staklinga og hópa. Hann leitast við að vinna á fyrir­byggjandi hátt með það fyrir augum að nemendum takist að skapa sér viðunandi vinnuskilyrði heima fyrir og í skóla. Boðið er upp á einstaklingsviðtöl sem og hópráðgjöf ef aðstæður eru þannig að líklegt megi teljast að hún gagnist nemendum. Náms- og starfsráðgjafar annast skólakynningar, bæði til grunnskólanemenda sem og til útskriftarhópa Menntaskólans við Sund. Þeir veita einnig foreldrum, kennurum, skólastjórnendum og öðrum sem tengjast nemendum ráðgjöf sé þess óskað.

Sértæk þjónusta og stuðningur

Mikilvægt er að nemendur sem greindir er með námsörðugleika eða annað sem haft getur áhrif á námsframvindu séu meðvitaðir um hvaða þjónusta er í boði. Brýnt er að upplýsa  námsráðgjafa strax í upphafi náms eða um leið og greining liggur fyrir. Kennarar fá  þá upplýsingar um sína nemendur og geta þá betur komið til móts við nemanda ef á þarf að halda. 

Nemandinn getur þá óskað eftir því að fá próf eða verkefni á lituðum pappír. Ennfremur hafa nemendur í ákveðnum tilvikum geta fengið lengri tíma til að leysa próf eða verkefni í samráði við kennara. Þeir nemendur sem þurfa, geta óskað eftir að fá próf eða stór verkefni í tungumálum sem krafist er sérstaks undirbúnings, lesin á tónhlöðu, ef vægi þess er 10% eða hærra á heildavægi námsmats. Mikilvægt er að nemendur láti kennara sína vita með fyrirvara vilji þeir ákveðið verkefni með þessum hætti.

Hljóðbókarsafn Íslands þjónustar nemendur sem ekki geta nýtt sér að fullu prentað letur.  Lang flestar- þó ekki allar bækur sem kenndar eru við skólann eru til á safninu. Við hvetjum nemendur skólans að nýta sér þjónustu safnsins uppfylli þeir skilyrði þess. Nánar má lesa um safnið á heimasíðu þeirra. 

Fræðsla og námskeið

Náms -og starfsráðgjafar sjá um ýmis konar fræðslu og námskeið á hverri önn. Er það auglýst á skjákerfi skólans og með tölupóst sem fer á nemendur og forráðamenn þeirra skv. Innu.


Síðast uppfært: 27.09.2022