Safnkostur og útlán

Aðföng safnsins

Efni sem berst safninu er skráð jafnóðum í gagnaskrá þess Viskustein.

Bækur

Á safninu er yfirgripsmikið safn íslenskra bóka og bóka á kennslumálum skólans eða um 20.000 bindi bóka. Nýtt efni berst reglulega. Bókakostur safnsins er mjög fjölbreyttur. Þar er meðal annars að finna handbækur, orðabækur, skáldrit og fræðibækur.

Myndefni

Safnið hefur að geyma fjölbreytt úrval mynddiska sem notaðir eru við kennslu og stendur nemendum og kennurum til afnota.

Rafrænt efni

Bókasafnið er áskrifandi að rafrænu efni, til dæmis að Landsaðgangi að rafrænum áskriftum, Ordabok.is og Snara.is.

Tímarit

Safninu berast reglulega íslensk og erlend tímarit. Tímaritin eru einkum til afnota á safninu og aðeins lánuð heim ef brýna þörf ber til.


Útlán

Almennt efni safnsins er lánað til 2ja vikna í senn með möguleika á framlengingu eftir þörfum (nema þegar liggur fyrir pöntun á efninu). Útlán eru tölvuskráð. Orðabækur og handbækur eru eingöngu til afnota innan skólans. Kennsluefni er eingöngu til afnota innan skólans og er skráð á sérstök eyðublöð. Skammtímalán vegna verkefnagerðar eru sett upp fyrir efni sem notað er í einstökum námskeiðum.


Síðast uppfært: 14.09.2017