Bókasafn og upplýsingamiðstöð skólans

Starfsfólk

Forstöðumaður safnsins er Þórdís T. Þórarinsdóttir MLS en með henni starfar Kristín Konráðsdóttir bókasafnsfræðingur.

Húsnæðið

Bókasafnið er í nýju og glæsilegu 205 fermetra  húsnæði á jarðhæð nýrrar byggingar skólans þar sem afar góð aðstaða er fyrir nemendur, hvort sem það er til að fletta upp í stórum bókakosti safnsins, setjast niður á huggulegum stað og lesa eða finna ró og næði til þess að læra.

Afgreiðslutími

Á starfstíma skólans er safnið opið sem hér segir:

Mánudaga, þriðjudaga og fimmtudaga kl. 8-16
Miðvikudaga og föstudaga kl. 8-14

Markmið bóka- og upplýsingamiðstöðvar skólans:

Í starfsemi skólasafns skal leggja áherslu á að þjálfa nemendur í sjálfstæðri upplýsingaleit og notkun gagnabanka.

Bókasafn og upplýsingamiðstöð MS þjónar nemendum, kennurum og öðru starfsfólki skólans. Á safn­inu er efni sem tengist kennslu og annarri starfsemi í skólanum.

Það er stefna safnsins að gögn þess nýtist sem best í skólastarfinu. Vandaður undirbúningur vegna verkefna­vinnu og að nemendur virði reglur safnsins eru lykil­atriði varðandi góða nýtingu safn­kosts og góða þjónustu við nemendur.

Notendur utan skólans hafa einungis lágmarksaðgang að gögnum safnsins (eða skv. nánara samkomulagi), það er að safnið lætur í té aðstöðu fyrir utanaðkomandi aðila til að vinna með gögnin á  staðnum og/eða að hægt er að fá viðkomandi gögn í millisafnaláni.

Vinnuaðstaða fyrir notendur: Á lessal er aðstaða fyrir 24 nemendur í senn (ein­staklingsvinna). Í safnrýminu er aðstaða fyrir 24 nemendur alls á sjö borðum (einstaklings- eða hópvinna). Tvær tölvur eru á safninu ætlaðar til uppflettingar. Þráðlaust net er á safninu og hægt er að hlaða tölvur.

Forstöðumaður safnsins er: Þórdís T. Þórarinsdóttir bókasafns- og upplýsingafræðingur, MLS, (thordis hjá msund.is). Auk hennar vinnur Kristín Konráðsdóttir bókasafns- og upplýsingafræðingur á safninu (kristink hjá msund.is).

Starfsmenn veita alhliða bókasafns- og upplýsingaþjónustu, svo sem aðstoð við heimildaleitir. Ennfremur ráðgjöf við frágang heimildalista. Bóka má tíma hjá bókasafns- og upplýsingafræðingi með því að senda tölvupóst hér.

Leiðbeiningar um bókasafn MS og notkun gagna

BokasafnMS_Kynning_2017.pdf

    


Síðast uppfært: 15.09.2017