Að vera grænn

Áhrif mannsins á umhverfið eru mikil og birtast nánast alls staðar. Ósnortum víðernum fer ört fækkandi og þau minnka ár frá ári. Landmótun, ræktun, orkunýting, neysla, mengun  og sífellt meiri sóun skapa vandamál fyrir mannkynið allt. Því skiptir máli að huga vel að því sem við gerum og reyna að skila jörðinni til næstu kynslóðar í eins góðu ástandi og hægt er. 

Á vef Kolviðar er meðal annars hægt að skoða hvað kostar að kolefnisjafna ferðir hvort sem það eru flugferðir eða vegna aksturs. Reiknivélin þar reiknar  út losun CO2 í tonnum, fjölda trjáa sem þarf að gróðursetja til að vega á móti losun gróðurhúsalofttegunda og þá upphæð sem þarf að leggja í kolefnisbindingu ef maður vill fara þá leið. (Heimild: http://kolvidur.is/). 

Á vef Orkuseturs er að finna margháttar upplýsingar um nýtingu orku hér á landi. Þar er fjallað um  samgöngur, raforkunotkun og húshitun svo dæmi séu tekin. Þar er einnig að finna nokkrar reiknivélar sem hjálpa okkur í viðleitninni til að vera græn. Upplýsingarnar hér að neðan eru teknar af vef Orkusetursins 5.12.2018 með þeirra leyfi (Heimild: https://orkusetur.is/reiknivelar/). 

Reiknivélar

Berðu saman bíla

Með þessari reiknivél er hægt að bera saman rekstrar- og umhverfiskostnað bifreiða við mismunandi forsendur. Mjög fróðlegt er að bera saman; minni og stærri bifreiðar, bensín-, dísel- og tvinnbíla, sjálfskiptar og beinskiptar bifreiðar o.s.frv. Hægt er að velja mismunandi akstur á ári og reikna fyrir eitt eða fleiri ár í senn. Forsendur miða við blandaðan akstur samkvæmt evrópskum gerðarviðurkenningum.

Smelltu á eftirfarandi slóð til að nálgast reiknivélina:

Samanburður á bifreiðum

Hvað kostar ferðin?

Með þessari reiknivél er hægt að reikna út eldsneytis- og umhverfiskostnað við innanbæjar- og utanbæjarakstur. Fyrir innanbæjarakstur er fjöldi kílómetra valinn en fyrir utanbæjarakstur er brottfara- og áfangastaður valinn af lista.

Smelltu á eftirfarandi slóð til að nálgast reiknivélina:

Ferðakostnaður

Hjóla- og göngureiknir

Með þessari reiknivél er hægt að sjá hversu mikið er hægt að spara af eldsneyti og útblæstri ef bifreiðin er skilin eftir heima. Reiknivélin virkar þannig að fyrst er valið eldsneytisverð og síðan vegalengd ferðar. Hægt er að setja inn fjölda ferða ef menn vilja taka saman endurteknar ferðir. Einnig má sjá áætlaðan kaloríubruna ferðarinnar enda er verið að brenna líkamsfitu í stað hefðbundins eldsneytis.

Smelltu á eftirfarandi slóð til að nálgast reiknivélina:

Hjóla- og göngureiknir

Langt á lítranum

Með þessari reiknivél má sjá hvað einn líter af eldsneyti kemur bílnum þínum langa vegalengd. Því orkunýtnari sem bifreið er því lengra kemst hún. Skráningarnúmer bifreiðar er einfaldlega slegið inn og síðan er hægt að sjá vegalengdina miðað við eyðslugildi fyrir innanbæjar, utanbæjar, eða blandaðan akstur. Neðst má sjá hversu vel bifreiðin kemur út miðað við það versta og það besta á markaðnum í dag.

Smelltu á eftirfarandi slóð til að nálgast reiknivélina:

Langt á lítranum

Kolefnisbókhald

Með þessari reiknivél má sjá hvað mikið af íslenskum skógi þarf til að binda það magn koltvísýrings sem bifreið blæs út á ári. Valinn er bifreiðategund og akstur á ári og niðurstaðan sýnir ársútblástur og nauðsynlega ársbindingu í skógi til að jafna út umhverfisáhrifin.

Smelltu á eftirfarandi slóð til að nálgast reiknivélina:

Kolefnisbókhald

Hjólasparnaður

Með þessari reiknivél er hægt að finna út hversu marga km. þarf að hjóla til að ná inn innkaupakostnaði reiðhjólsins. Notandi setur inn skráningarnúmer þeirrar bifreiðar sem skilin verður eftir þegar hjólið er brúkað. Verð á hjólinu er sett inn og niðurstaðan sýnir hversu marga kílómetra þarf að hjóla frekar en að keyra til að ná inn kostnaði við reiðhjólakaupin.

Smelltu á eftirfarandi slóð til að nálgast reiknivélina:

Hjólasparnaður

Eyðslulitlir

Með þessari reiknivél má auðveldlega finna eyðslulitla bíla í hverjum stærðarflokki. Valið er hámarkseyðslugildi (t.d. 5 l/100km) og stærðarflokks (t.d. smábíl) og þá kemur listi af bílum sem hafa lægra eyðslugildi en valið var. Hægt er að smella á stakar bifreiðar úr litanum til að fá frekari upplýsingar.

Smelltu á eftirfarandi slóð til að nálgast reiknivélina:

Eyðslulitlir

Rafbílareiknir

Reiknivélin ber saman kostnað rafbíla við hefðbundnar bifreiðar. Rafbílar eru mun orkunýtnari en bílar sem ganga fyrir olíu auk þess sem verð á rafmagni er ólíkt. Reynt er með ýmsu móti að gera rafbíla álitlegri gagnvart neytendum með ýmsum ívilnunum. Reiknivélin aðstoðar neytendur að bera saman kostnað og meta þannig vænleika rafbíla í samanburði við aðrar bifreiðar.

Smelltu á eftirfarandi slóð til að nálgast reiknivélina:

Rafbílareiknir

Metanreiknir

Reiknivélin ber saman rekstrarkostnað metanbíla við hefðbundnar bifreiðar. Metanbílar ganga fyrir innelndu og umhverfisvænu eldnseyti sem er ódýrara í innkaupum en olía. Reiknivélin aðstoðar neytendur að bera saman kostnað og meta þannig vænleika metanbíla í samanburði við aðrar bifreiðar.

Smelltu á eftirfarandi slóð til að nálgast reiknivélina:

Metanreiknir

 


Síðast uppfært: 05.12.2018
Undirsíður:
Grænn lífstíll