Viðmið FATA1HS05(ms)

Þekkingarviðmið

Nemandi skal hafa öðlast þekkingu og skilning á:  

  • hugmyndaöflun, skissuvinnu, tískuteikningum og flötum vinnuteikningum
  • hvernig líkamsmál eru tekin og gerður samanburður við stærðartöflur
  • orðaforða greinarinnar til að geta notað skýringarmyndir og vinnulýsingar
  • uppbyggingu grunnsniða, einföldum sniðbreytingum og efnisþörf         
  • hvernig sniðhlutar eru lagðir á efni eftir þráðréttu og saumför og aðrar merkingar eru teiknuð inn  á efnið
  • grunnatriðum í saumtækni og vinnuferlinu frá hugmynd að fullunninni flík

Leikniviðmið

Nemandi skal hafa öðlast leikni í að:

  •  geta sett hugmyndir sínar á blað
  •  taka líkamsmál og skilja stærðartöflur
  •  nota orðaforða greinarinnar við notkun vinnulýsinga
  •  útfæra einföld snið út frá grunnsniðum eftir eigin hönnunarteikningum
  •  geta raðað sniðhlutum á efni
  •  nota saumavélar og þekki notagildi stillinga, saumavélafóta og saumavélanála
  •  temja sér vönduð vinnubrögð við alla þætti vinnunnar

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:               

  •  skissa hugmyndir og vinna út frá þeim tískuteikningar og flatar vinnuteikningar     
  •  aðlaga grunnsnið að mældum líkamsmálum                     
  •  nota grunnsnið til að vinna einfaldar sniðbreytingar út frá eigin hönnunarteikningum og sauma einfaldar flíkur                          
  •  gera vinnuferlinu frá hugmynd að fullunninni flík skipulega skil í vinnuskýrslu með teikningum og orðaforða greinarinnar            
  •  nota tölvur við upplýsingaöflun. 
  •  vinna eftir verklýsingum og temja sér vönduð vinnubrögð 
Síðast uppfært: 06.02.2018