Nafnagiftir í Menntaskólanum við Sund

Nafngiftir í MS eru hluti af sögu skólans. Það er hefð fyrir því að gefa einstökum stöðum og svæðum heiti. Heitin eru oft örnefni fengin úr umhverfi skólans eða þau vísa í þá starfsemi sem þar hefur farið fram. Sum heitanna tengjast fyrstu árum í sögu skólans en önnur eru nýrri og töluverðar breytingar voru gerðar í tengslum við að byggt var við skólann, Þá urðu ný nöfn til, sum gömul heiti fengu annað hlutverk og önnur hurfu. Vinnu nafnanefndar MS 2018-2019 var stýrt af Lóu Steinunni Kristjánsdóttur en afrakstur þeirrar vinnu er birtur hér að neðan:

Staðsetning vinnuherbergja starfsfólks

• Ábótasæti: Skrifstofa umsjónarmanns. Er staðsett við aðalinngang MS á jarðhæð Aðalsteins.
• Pálsflaga: Vinnuherbergi íslenskukennara. Er staðsett á miðhæð Þrísteins.
• Þrætumói: Vinnuherbergi kennara erlendra mála. Er staðsett á efstu hæð Þrísteins.
• Völusteinn: Vinnuherbergi stærðfræðikennara. Er staðsett í Loftsteini.
• Langalína: Vinnuherbergi dönskukennara. Er staðsett í Loftsteini.
• Söguhornið: Vinnuherbergi sögukennara. Er staðsett í Loftsteini.
• Miklihvellur: Vinnuherbergi raungreinakennara. Er staðsett á efri hæð Langholts.
• Rofadalur: Vinnuherbergi enskukennara. Er staðsett á jarðhæð Aðalsteins.
• Oddi: Vinnuherbergi kennara í félagsfræði, hagfræði og viðskiptagreinum. Er staðsett á jarðhæð Langholts.
• Grjóthóll: Vinnuherbergi jarðfræði- og umhverfisfræðikennara. Er staðsett í Jarðsteini.
• Lausnarsteinn: Skrifstofur námsráðgjafa. Er í Loftsteini.

Skrifstofa skólans er á annarri hæð Aðalsteins og þar eru einnig skrifstofur stjórnenda, fjármálastjóra og skrifstofustjóra.

Staðsetning fundarherbergja

• Rökstólar: Er fundarherbergi fyrir 16-20 manns. Er í Jarðsteini.
• Tilveran: Fundarherbergi stjórnenda á skrifstofusvæðinu. Með rými fyrir um 8 manns. Er á annarri hæð Aðalsteins.