Menntaskólinn við Sund

Hópur MS-inga á sumarnámskeiði í Cambridge

Fri, 11 Sep 2026 13:16:00 +0000

Í sumar tóku 30 nemendur frá Menntaskólanum við Sund þátt í námskeiðinu The Uncomfortable Expedition, sem haldið er af Oxford- og Cambridge-háskólum. Nemendurnir fóru í þremur hópum ásamt tveimur kennurum og dvöldu í níu daga í háskólaborginni Cambridge þar sem markmiðið var að stíga út fyrir þægindarammann, takast á við nýjar áskoranir og efla bæði sjálfstraust og leiðtogahæfni. LESA MEIRA...

Útför Haralds V Noregskonungs

Wed, 09 Sep 2026 09:48:00 +0000

Í dag er flaggað í hálfa stöng við skólann vegna útfarar Haralds V Noregskonungs.

MS-ingar fá styrki úr Afreks- og hvatningarsjóði stúdenta Háskóla Íslands

Tue, 01 Sep 2026 14:15:00 +0000

Tveir nýútskrifaðir nemendur Menntaskólans við Sund fengu í ár styrk úr Afreks- og hvatningarsjóði stúdenta Háskóla Íslands. Styrkir eru veittir nýnemum við Háskóla Íslands sem náð hafa framúrskarandi árangri í námi til stúdentsprófs og jafnframt látið til sín taka á öðrum sviðum, svo sem í félagsstarfi, listum eða íþróttum. Styrkþegar úr MS eru Enok Hjörvarsson og Sólný Helga Sigurðardóttir. Enok hefur hafið nám í lífeindafræði og Sólný í almennri bókmenntafræði með ritlist sem aukagrein. Við sendum þeim innilegar hamingjuóskir og óskum þeim góðs gengis í náminu.

Frábær nýnemaferð í Vatnaskóg

Fri, 28 Aug 2026 14:38:00 +0000

Rúmlega 200 nýnemar nutu veðurblíðu í Vatnaskógi í gær í árlegri nýnemaferð. Dagskráin i Vatnaskógi var sniðin að því að nýnemar ættu mikil og góð samskipti og kynntust betur. Byrjað var á hópleik í tveimur hollum og kaffitíma þar sem boðið var upp á nýbakaðar kökur ala Vatnaskógur. LESA MEIRA...

Flaggað í hálfa stöng vegna andláts Haralds V Noregskonungs.

Fri, 28 Aug 2026 13:21:00 +0000

Menntaskólinn við Sund flaggar í hálfa stöng í dag vegna andláts Haralds V Noregskonungs. Það eru tilmæli frá Mennta- og barnamálaráðuneytinu

Skólasetning verður í Holti kl. 8:30 föstudaginn 21. ágúst

Thu, 20 Aug 2026 16:30:00 +0000

Skólasetning verður stundvíslega klukkan 8:30 föstudaginn 21. ágúst. Skólasetningin verður í Holti, matsal skólans (athugið breytta staðsetningu). Að lokinni skólasetningu hefst kennsla samkvæmt stundatöflu.

Stundatöflur haustannar eru nú tilbúnar í INNU

Wed, 19 Aug 2026 20:00:00 +0000

Stundatöflur haustannar eru nú tilbúnar í INNU. Töflubreytingar í Innu eru opnar til kl. 15:00 föstudaginn 21. ágúst. Töflubreytingar á skrifstofu skólans eru opnar frá klukkan 11:00 til 16:00 fimmtudaginn 20. ágúst. Ekki er hægt að koma á skrifstofu skólans föstudaginn 21. ágúst og óska eftir töflubreytingu því kennsla fer fram samkvæmt stundatöflu þann dag.

Upphaf skólaársins 2026-2027 – birting stundataflna

Fri, 14 Aug 2026 15:12:00 +0000

Haustönn 2026 hefst 20. ágúst með móttöku nýnema, kynningu á skólastarfinu og tölvunámskeiði.

Innritun á haustönn lokið

Tue, 11 Aug 2026 14:00:00 +0000

Innritun nýnema á haustönn 2026 er nú lokið og skólinn fullsetinn. Þeir sem hafa áhuga á skólavist í MS á næstu önnum eru hvattir til að fylgjast með á heimasíðu skólans við annarskil.

Innritun lokið

Sun, 21 Jun 2026 22:30:00 +0000

Nú er innritun nýnema í Menntaskólann við Sund lokið og hafa verið innritaðir 227 nemendur á 1. ár, 160 nemendur á námslínur félagsfræðabrautar, 56 nemendur á námslínur náttúrufræðibrautar og 11 nemendur á starfsbraut. Í skólanum verða 737 nemendur í haust og er skólinn fullskipaður.

Lokun skrifstofu í sumar og upphaf næsta skólaárs

Tue, 09 Jun 2026 11:11:00 +0000

Skrifstofa MS verður lokuð vegna sumarleyfa frá og með 24. júní til og með 4. ágúst. Skrifstofan opnar aftur kl. 10:00 miðvikudaginn 5. ágúst 2026.

Brautskráning vorannar 30. maí 2026

Sat, 30 May 2026 22:55:00 +0000

Það var mikill gleðidagur í MS í dag þegar 159 nemendur brautskráðust við hátíðlega athöfn í Háskólabíó. Alls luku 47 námi af líffræði- og efnafræðilínu, 17 af eðlisfræði- og stærðfræðilínu, 62 af hagfræði- og stærðfræðilínu og 27 af félagsfræði- og sögulínu. Sex nemendur útskrifuðust af starfsbraut og er þetta fyrsti hópurinn sem brautskráist af starfsbraut í sögu skólans.

Brautskráning vorannar

Fri, 29 May 2026 15:36:00 +0000

Brautskráning vorannar fer fram í Háskólabíó laugardaginn 30. maí kl. 11:00-12:30. Útskriftarefni þurfa að vera mætt í Háskólabíó kl. 10. Hvert útskriftarefni getur boðið 5-7 gestum á athöfnina. Salurinn opnar 10:45 og athöfnin sjálf hefst 11:00.

Námsmatssýning vorannar 2026

Wed, 27 May 2026 14:56:00 +0000

Námsmatssýning vorannar fer fram fimmtudaginn 28. maí. Á námsmatssýningu gefst nemendum tækifæri til þess að sjá námsmatið og gera athugasemdir. Fyrirkomulag námsmatssýningarinnar verður með tvenns konar móti: annars vegar í skólanum kl. 11-12 og hins vegar í gegnum TEAMS kl. 10-12. Nemendur skulu því kynna sér upplýsingarnar hér mjög vel.

Fardagur 21. maí 2026

Fri, 22 May 2026 13:44:00 +0000

Það var bæði hátíðleg og gleðileg stund í Menntaskólanum við Sund í gær þegar útskriftarnemar kvöddu skólann á fardegi, síðasta kennsludegi vorannar. Nemendur mættu prúðbúnir og á kveðjuathöfn á sal fluttu fulltrúar þeirra ræður þar sem litið var um öxl og skólafélögum þakkað fyrir skemmtileg ár í MS.

Matsdagar 22. og 26. maí

Thu, 21 May 2026 11:02:00 +0000

Síðasti kennsludagur vorannar er fimmtudagurinn 21. maí. 22. og 26. maí eru matsdagar. Dagskrá matsdaga á sjá hér fyrir neðan. Nemendur bera ábyrgð á því að vera í samskiptum við kennara og mæta í sín próf / verkefni á réttum stað og stund.

MS orðinn UNESCO skóli

Fri, 15 May 2026 15:55:00 +0000

Menntaskólinn við Sund hefur hlotið viðurkenningu sem UNESCO-skóli og er nú hluti af alþjóðlegu neti skóla sem vinna að fræðslu um starfsemi Sameinuðu þjóðanna, heimsmarkmið Sameinuðu þjóðanna, mannréttindi, frið og alþjóðasamvinnu. UNESO skólar vinna markvisst með þessi þemu, taka þátt í verkefnum á borð við Heimsins stærstu kennslustundina, halda upp á alþjóðlega daga SÞ og skipuleggja viðburði tengda málefnum á borð við jafnrétti og sjálfbærni. Einnig skila UNESCO skólar árlegri skýrslu um starfið.

Menntaskólinn við Sund hlýtur alþjóðlega viðurkenningu sem PASCH‑skóli

Tue, 12 May 2026 15:51:00 +0000

MS er nú orðinn PASCH-skóli og fékk viðurkenningu sem slíkur miðvikudaginn 6. maí. Að PASCH standa meðal annarra Goethe Institut, Deutsche Auslandsgesellschaft og þýska sendiráðið á Íslandi. Að vera hluti af PASCH skólasamstarfinu veitir nemendum fjölbreytt tækifæri til náms og alþjóðlegra samskipta. Þar má nefna þátttöku í spennandi verkefnum, aðgang að vönduðu námsefni og möguleika á dvöl eða námi í Þýskalandi. Samstarfið skapar mikilvægan grundvöll fyrir öfluga tungumálakennslu og opnar þýskunemendum greiðari leiðir að alþjóðlegu námi og tengslaneti.

Danskir gestir í MS

Thu, 30 Apr 2026 15:48:00 +0000

Á dögunum fengum við góða gesti í heimsókn frá Herlufsholm Skole og Gods. Skólinn er elsti og virtasti heimavistarskóli Danmerkur, stofnaður árið 1565, og samanstóð hópurinn af nemendum og kennurum sem mættu í dönskutíma hjá okkur í MS.

Matsdagur 30. apríl 2026

Tue, 28 Apr 2026 18:04:00 +0000

Fimmtudaginn 30. apríl er matsdagur og þá er ekki kennt samkvæmt stundatöflu en nemendur gætu þurft að mæta í verkefni eða próf. Dagskrá matsdagsins má sjá hér að neðan og nemendur bera ábyrgð á því að vera í samskiptum við kennara og mæta á réttum stað og stund. Föstudaginn 1. maí er skólinn svo lokaður vegna verkalýðsdagsins.